ក្រុមហ៊ុនខេមបូឌានព្រីមៀរលីគ (CPL) បានសម្រេចមិនរៀបចំការប្រកួតជម្រើសជើងឯកជាតិទី២ (Cambodian League 2) សម្រាប់រដូវកាលថ្មី ២០២៤-២៥។
លោក កាំង សេធ ប្រធានក្លិបបាល់ទាត់ ISI ដង្កោសែនជ័យ ដែលទើបឡើងជាអនុប្រធានក្រុមប្រឹក្សាភិបាល ក្រុមហ៊ុនខេមបូឌានព្រីមៀរលីគ បានឲ្យដឹងនៅក្នុងសន្និសីទសារព័ត៌មានព្រឹក ថ្ងៃទី១៩ ខែកក្កដា ឆ្នាំ២០២៤ថា ជម្រើសជើងឯកជាតិទី២ (Cambodian League 2) មិនមានរៀបចំការប្រកួតទេនៅរដូវកាល២០២៤-២៥។
កាលពីរដូវកាលមុន ក្លិបបាល់ទាត់ ឡាយហ្វ (Life FC) ព្រះសីហនុ ជាម្ចាស់ជើងឯកលីគទី២ ខណៈក្រុមបាល់ទាត់ក្រសួងមហាផ្ទៃជាជើងឯករង។ ក្រុមទាំងពីរនេះបានឡើងមកកាន់លីគកំពូលកម្ពុជា។
លីគទី២ដែលឈ្មោះដំបូងជា Cambodian Second League ត្រូវបានបង្កើតឡើងកាលពីឆ្នាំ២០១៦ ប៉ុន្តែការរៀបចំមិនបានទៀងទាត់ទេ។
នៅឆ្នាំដំបូងក្រុមបាល់ទាត់ គិរីវង់សុខសែនជ័យ ជាម្ចាស់ជើង និងឆ្នាំ២០១៧ ក្លិបបាល់ទាត់វិសាខាបានក្លាយជាជើងឯក។
នៅឆ្នាំ២០១៨ និង ២០១៩ មិនបានរៀបចំការប្រកួតទេ ហើយឆ្នាំ២០២០ ក្រុមខេត្តព្រៃវែងបានក្លាយជាជើងឯក និងឆ្នាំ២០២១ ក្រុមយុវជនបាទីជាជើងឯក។
Mason Greenwood បានចែកផ្លូវគ្នាជាមួយ Manchester United ហើយបានចូលរួមជាមួយ Olympique Marseille
ឆ្នាំ២០២២ ត្រូវបានប្តូរឈ្មោះជា Cambodian League 2 ដោយក្រុមអគ្គិសនីកម្ពុជា បានឈ្នះជើងឯក និងរដូវកាលចុងក្រោយបំផុត២០២៣-២៤ ក្រុមបាល់ទាត់ឡាយហ្វ (Life FC) ខេត្តព្រះសីហនុជាជើងឯក៕
Comments
Post a Comment